|
Ek staan vandag voor jou.
Ek is kaalgestroop en leeg.
Ek is en voel soos niks.
‘n Barre braakland.
Maar dit gaan nooit weer wees nie,
want ek gaan opstaan
soos die een by die peule,
en omdraai en wegdraai;
Ek gaan my losmaak van jou;
Jy, wat my verneuk, vernietig,
en wil vernietig met jou beskuldigende gedagtes,
jou afkeurende kyke en bytende tong.
Kyk na my.
Jy gaan my nooit weer so sien.
Dit, vandag, is my kairos,
my oomblik van beslissing,
my keuse,
want ek gaan omdraai en wegdraai,
en my losmaak van jou.
P.L.M Rhode.
|
