|
Huppel, huppel padlangs,
Asvaal van die stof
Wat dampies om haar beentjies maak
As haar voetjies sag neerplof.
Malkop, loskop meisiekind
Haar speelplek is die velde wyd.
Haar maatjies is die goggatjies.
Steur haar min aan plek of tyd.
Haasmond glimlag, ogies blink
Opgetoe, verblyd.
Hare, slierte om die kop
Armpies wyd uitgesprei.
Sorgeloos, al singende
Ongebonde, vry.
Gryp die lewe, dans en sing
Hardloop met die wind.
Ongekunsteld, klein en fyn
Alombekend, geliefd, bemind.
Ongetemde rabbedoe
Sonskyn meisiekind.
BUTTERFLY
|
